Мухаммед Алигийн шарилыг Луисвиллд нутаглуулна

Ширэн бээлийт Мухаммед Алиг ирэх баасан гарагт эцсийн замд нь үднэ. Тус ёслолд түүний ойр дотныхонтой Туркийн ерөнхийлөгч Режеп Тайип Эрдоган, Йорданы ван Абдулла, АНУ-ын экс ерөнхийлөгч Билл Клинтон, жүжигчин Билли Кристал нар оролцох гэнэ.

Түүний шарилыг төрсөн хот Кентукки мужийн Луисвиллд нутаглуулах аж.

Тэрээр боксын рингэнд 61 удаа тулалдахдаа 56-г нь хүнд цохиолтоор ялсан гайхалтай амжилттай нэгэн байлаа. Мөн хүнд жингийн ДАШТ-ээс гурав, 1960 оны Ромын олимпоос нэг алтан медаль хүртэж, 1981 онд зодог тайлсан юм.