МҮОХ-ны Гүйцэтгэх зөвлөл хуралдлаа
МҮОХ нь нийт 75 спорт холбооны 179 гишүүнийг эгнээндээ багтаадаг билээ. Мөн энэ хурлаар МҮОХ-ны 2020 оны үйл ажиллагааны тайланг хэлэлцэх бөгөөд шинээр хийх ажлын төлөвлөгөө төсвийг батлах юм.
Мэдээллийн алба
Монголын Үндэсний Олимпын Хорооны Гүйцэтгэх зөвлөлийн гишүүдийн хурал өнөөдөр танхим болон цахимаар зохион байгуулагдаж, маргааш болох Бүх гишүүдийн хурлаар хэлэлцэх асуудлаа тодорхой болголоо.
МҮОХ нь нийт 75 спорт холбооны 179 гишүүнийг эгнээндээ багтаадаг билээ. Мөн энэ хурлаар МҮОХ-ны 2020 оны үйл ажиллагааны тайланг хэлэлцэх бөгөөд шинээр хийх ажлын төлөвлөгөө төсвийг батлах юм.
Энэ өдөр МҮОХ-ны Ерөнхийлөгч Н.Түвшинбаяр 2021 оны үйл ажиллагааны төлөвлөгөө, төсөв батлах тухай танилцуулгыг МҮОХ-ны Гүйцэтгэх зөвлөлийн гишүүдэд танилцууллаа. Харин МҮОХ-ны Хянан шалгах зөвлөлийн мэдээллийг тус зөвлөлийн дарга Ж.Баянцагаан танилцуулсан байна.
Мөн энэ үеэр зарим гишүүдийн гишүүнчлэлийг дуусгавар болгож, шинээр гишүүд сонгох тухай асуудлыг хэлэлцлээ. Түүнчлэн МҮОХ-ны дүрмийн ажлын хэсгийн явцын талаар дэд ерөнхийлөгч Ч.Наранбаатар танилцуулав.
