МҮОХ-ны удирдлагууд "Олимпын өвөө"-д хүндэтгэл үзүүллээ

МҮОХ-ны ерөнхийлөгч Н.Түвшинбаяр, ОУОХ-ны гишүүн, тэргүүн дэд ерөнхийлөгч Б.Баттүшиг, дэд ерөнхийлөгч Ч.Наранбаатар, ерөнхий нарийн бичгийн дарга Э.Бадар-Ууган нар өнөөдөр Монгол Улсын соёлын гавьяат зүтгэлтэн Шагдаржавын Магван буюу “Олимпын өвөө”-гийнд зочилж хүндэтгэл үзүүллээ.

БТСУХ-ны дарга, МҮОХ-ны ерөнхийлөгч, ОУОХ-ны гишүүн, ОУОХ-ны хүндэт гишүүн спортын амьд түүх болсон Ш.Магван гуай МҮОХ-ны Ерөнхийлөгч, дэд ерөнхийлөгчөөр шинээр сонгогдсон Н.Түвшинбаяр, Ч.Наранбаатар, ОУОХ-ны гишүүнээр сонгогдсон Б.Баттүшиг нарт ажлын өндөр амжилт хүсэв.

Мөн сайн сайхныг хүсээд спорт, олимпизмын төлөө зүтгэсэн 60 гаруй жилийн туршлагаасаа хуваалцан, халуун дотно яриа өрнүүллээ.