“Мөрөөдлийн театр”-ынхан Японд тоглоно

Үндэсний их баяр наадмын битүүний өдөр хэвийж буй энэ агшинд “Мөрөөдлийн театр”-ын уран бүтээлчид арлын Японд газардаад байна. Тэд Японд ажиллаж, амьдарч байгаа монголчууддаа зориулан баяр наадмын бэлэг барихаар төлөвлөсөн бөгөөд нийт 10 хүний бүрэлдэхүүнтэй яваагийн дотор МУ-ын СГЗ Ш.Гүрбазар эхнэрийн хамт багтсан аж. Тэдний аялан тоглолт энэ сарын 19-нийг хүртэл үргэлжлэх бөгөөд нийслэл Токиогийн Нарима дүүрэгт маргааш буюу 11-нд үргэлжлүүлэн 12,13-ны өдрүүдэд тоглохоор төлөвлөсөн байна. Дараа нь хаана хэрхэн тоглохоо товлоогүй байгаа боловч Монголчууд олноороо төвлөрсөн болон томоохон хотуудаар тоглох юм байна.