Н.Анужин хос алтан медалийн эзэн боллоо

Энэ сарын 7-9-ний өдрүүдэд Хонгконгд зохион байгуулагдсан WBPF (World Bodybuilding & Physique Federation)-ны анхны PRO MR, WORLD тэмцээн амжилттай зохион байгуулагдаж өндөрлөлөө.

Тус тэмцээнд оролцсон Монголын баг тамирчдаас 80 кг ангилалд өрсөлдсөн Монголын хоёр удаагийн мистер Э.Ганзориг мөнгөн медаль, +80 кг ангилалд Монголын мистер Л.Баянхүү шагналт IV байранд шалгарсан бол Хонгконгийн аварга шалгаруулах нээлттэй тэмцээнд манай тамирчин Н.Анужин хос алтан медалийн эзэн болжээ. Тамирчид өнөөдөр эх орондоо ирсэн юм.