Н.Төгсцогт “Рио-2016” олимпид оролцохгүй

AIBA буюу Олон улсын сонирхогчдын боксын холбоо энэ сарын эхээр ээлжит бусаар хуралдаж, мэргэжлийн боксын тамирчдыг “Рио-2016” олимпийн наадамд хориг саадгүй оролцуулах шийдвэр гаргасан билээ. Иймд Монгол Улсын гавьяат тамирчин Н.Төгсцогт эрхийн тэмцээнд амжилт үзүүлбэл оролцох боломжтой болоод байв.

Гэвч тэрбээр фэйсбүүк хуудсаараа “Рио-гийн олимпид оролцох боломжгүй боллоо” гэсэн мэдээ дуулгалаа.

Тэрбээр мэргэжлийн боксын ээлжит тулаанаа Пуэрто Рикогийн боксчин, “Динамит” хочит Рафэль Васкестай ирэх долоодугаар сарын 15-нд хийнэ. Хэрвээ тэр олимпид өрсөлдөх боломжтой байсан бол долоодугаар сарын 3-8-нд Вэнэсуэлд болох олимпийн эрх олгох мэргэжлийн боксынхонд зориулсан тэмцээнд оролцох байв.