Наадмын тасалбарыг худалдаалж эхэллээ

Тулгар төрийн 2223, Их Монгол Улсын 808, Ардын хувьсгалын 93 жилийн ой, Үндэсний их баяр наадмын нэгдсэн хөтөлбөрийн дагуу өнөөдөр буюу долоодугаар дугаар сарын 7-ны 09:00 цагаас Урианхай сурын харваа эхэлнэ. Үндэсний их баяр наадмын нээлтийн ажиллагаа долоодугаар сарын 11-ний 11:00 цагаас болно. Үүний зэрэгцээ наадмын нээлт үзэх тасалбарыг өнгөрсөн ням гарагаас буюу долоодугаар сарын 6-аас эхлэн 7, 8-ны өдрүүдэд Соёлын төв өргөө, Бөхийн өргөөний кассуудаар худалдаалж эхэллээ. Тасалбарын багцын үнэ Төв цэнгэлдэхийн суудал, байршлаас хамаарч 16 000, 20 000, 24 000 төгрөг байна.