Налайх дүүргийн 4 дүгээр хорооны 1.5 км авто замын засвар, шинэчлэлтийн ажил үргэлжилж байна
Мэдээллийн алба
Налайх дүүргийн 4 дүгээр хорооны нутаг дэвсгэрт иргэдийн эрүүл, аюулгүй амьдрах орчныг бүрдүүлэх, авто замын дэд бүтцийн чанар, хүртээмжийг сайжруулах зорилгоор “Голын дагуух 1.5 км авто замын засвар, шинэчлэлтийн ажил”-ыг 2026 оны 08 дугаар сарын 01-ний өдрөөс эхлүүлэн хэрэгжүүлж байна.
Тус ажлын хүрээнд замын суурь үеийг шинэчлэн бэхжүүлж, дайрга материал дэвсэх, тэгшлэх, нягтруулах зэрэг үе шатны ажлуудыг гүйцэтгэн, асфальтбетон хучилтын ажлыг эхлүүллээ.
Өнөөдрийн байдлаар нийт 1 км авто замын асфальтбетон хучилтын ажлыг хийж гүйцэтгээд байна. Үлдсэн хэсгийн ажил болон замын хөвөө, явган замын тохижилтын ажлыг үе шаттайгаар энэ долоо хоногт багтаан дуусгах төлөвлөгөөтэй ажиллаж байна.
Авто замын засвар, шинэчлэлтийн ажил бүрэн дууссанаар тухайн бүсийн тээврийн хэрэгслийн хөдөлгөөний нөхцөл сайжирч, иргэдийн аюулгүй, тав тухтай зорчих боломж нэмэгдэхийн зэрэгцээ хөрсний болон агаарын тоосжилт буурах ач холбогдолтой юм.
