“Нар зөвийн эх орон” тоглолт нөгөөдөр болно

Д.Нацагдоржийн шагналт, “Болор цом”-ын эзэн яруу найрагч Арлааны Эрдэнэ-Очир энэ сарын 9-нд уран бүтээлийн цэнгүүнээрээ уншигчидтайгаа уулзах юм. Тэрбээр уг цэнгүүнээ “Нар зөвийн эх орон” хэмээх шүлгийнхээ нэрээр нэрлэсэн байна.

Тоглолтод Ардын уран зохиолч, Төрийн шагналт, “Болор цом”-ын эзэд яруу найрагчид оролцохоос гадна түүний шүлгээр бүтсэн олон сайхан дуу эгшиглэх гэнэ.Цэнгүүний тасалбарыг "Улаанбаатар палас"- ын кассаар худалдаалж байгаа бөгөөд үнэ 20 мянган төгрөг аж. Зохиолч тоглолтынхоо талаар өнөөдөр МҮОНРТ-ийн байранд хэвлэлийн хурал хийсэн юм.