Наритaд манай гурван бөх алтын төлөө барилдана

Японы Нарито хотноо самбо бөхийн насанд хүрэгчдийн Дэлхийн аварга шалгаруулах тэмцээн болж байна. Тэмцээний эхний өдөр буюу өнөөдөр манай зургаан бөх барилдаж байгаагаас эрэгтэйчүүдийн 68 кг-ын жинд Д.Төмөрхүлэг, 90 кг-д Л.Отгонбаатар, эмэгтэйчүүдийн 48 кг-д М.Уранцэцэг нар алтан медалийн төлөө барилдахаар шалгарлаа. Ийнхүү тэмцээний эхний өдөр байлдааны самбын зарим жингийн дэлхийн аваргууд тодрох юм.

Мөн эрэгтэйчүүдийн 74 кг-д Х.Амартүвшин, эмэгтэйчүүдийн 72 кг-д Ц.Наранжаргал нар хүрэл медалийн төлөө барилдана.