Нэймарь дөрвөн гоол оруулж, Ла лигийн мэргэн бууч боллоо

Бразилийн супер од Нэймарь "Раяо Валлекано"-гийн эсрэг хоёр пеналт гүйцэтгэж, хоёр гоол оруулснаар нийт 4 гоол оруулж лигийн мэргэн бууч боллоо.Тэрбээр “Би өөрийн пеналтын цохилт дээр ажиллаж байсан. "Раяо" клубын эсрэг тоглох хүнд байсан. Тэдэнд маш чадварлаг тоглогчид байгаа. Тэд бол агуу баг” гэжээ. Түүний хувьд замналынхаа турш таван удаа 4 гоол оруулаад байгаа нь энэ юм.

Мөн тоглолтын дараа түүний багийн Рахитик "Би Нэймарийг хэзээ ч зогсохгүй гэж найдаж байна. Бид ч түүнийг бөмбөгөөр тасралтгүй хангах болно. Түүнд баяр хүргэх ёстой" гэжээ.