Нэмэлт цаггүй "Copa America-2016"

Латин Америкийн хөлбөмбөгийн холбоо байгуулагдсаны 100 жилийн ойд зориулж АНУ-д зохиогдож буй "Copa America Centanrio" тэмцээнд дүрмийн хэд хэдэн шинэ заалтыг туршиж үзэхээр болжээ.

Тухайлбал, өнгөрсөн жилийнх шиг дунд шөвөг болон хагас шигшээ шатанд тоглолт үндсэн цагт тэнцээгээр өндөрлөвөл нэмэлт 30 минут тоглуулахгүй, шууд торгуулийн цохилтоор ялагчийг тодруулах ажээ. Зөвхөн шигшээ тоглолтод л цаг сунгах ба нэмэлт цагт дөрөв дэх сэлгээний тоглогчоо талбайд гаргахыг зөвшөөрөх гэнэ.