“Нисванис” 4 дэх цомогоо гаргана

“Нисванис” хамтлаг 17 нас хүрлээ. Гранж рокеруудын загалмайлсан эцэг Нисванисчууд дөрөв дэх цомгоо гаргахаар ажиллаж байна. Тэдний “Хүчилтөрөгч”, “Нисдэг таваг”, “Саарал үе” нь рок хөгжим сонирхогчдын хувьд хамгийн эрэлт хэрэгцээтэй, үнэт цомог болж чадсан. “Би тамхиа татаад дуусч байна”, “Сургууль нураасай”, “Аборт”, “Улаан хэрүүлч” гээд л сонин содон дуунууд нь “Нисванис”-ыг илэрхийлж чаддаг. Тэгвэл 12 дуутай шинэ цомогтоо хэн бүхний сэдээд байдаггүй сэдвийг хөндөж дуу болгожээ.