Норвегийн баг тамирчид дэлхийн цомыг тэргүүлж байна

Финланд улсын “Kuopio” дахь цанын баазад болсон өчигдрийн трамплин гараанд Норвегийн тамирчин Ларже Хилл 136 метр өндөрт харайснаар дээд амжилт тогтоолоо. Түүний өмнөх амжилт 135.5 метр байсныг 0.5 метрээр ахиулсан юм. Харин багийн төрөл нь багт байгаа дөрвөн гишүүн тус бүр хоёр удаа харайснаар нийлбэр дүнгээр шагналт байрууд тодрох дүрэмтэй. Энэхүү гараанд есөн орны 36 тамирчин өрсөлдсөнөөс Норвегийн баг тамирчид 1057 оноотой болж, тэргүүлсэн бол хоёр, гуравдугаар байрыг Герман, Японы баг эзэллээ.

Өнгөрөгч оны аравдугаар сараас эхэлсэн Уулын цанын спортын дэлхийн цомын тэмцээн өндөрлөхөд таван гараа үлдээд байгаа юм.