Нүдний цөцгийг мэсээр цэвэрлэдэг

Нүдний цөцгий бол хүний харааны амин чухал хэсгүүдийн нэг юм. Тэгвэл Хятадын иргэд энэ талаар өөр бодолтой байдаг. Хүний нүдийг яг л чих ухаж байгаа юм шиг цэвэрлэх аргатай гэнэ.

Энэ талаар мэргэшсэн хүн бол Хятадын Сычуань мужийн Ченду хотын оршин суугч Лю Дэюань. Тэрбээр төмөр мэсээр нүдний цөцгийн гадна талыг цэвэрлэдэг аюултай ажил хийдэг. Гэвч энэ нь хүмүүсийн бодсоноос харьцангуй аюул багатай хэмээн гоо сайханч тайлбарлажээ.


Долоон жил энэ ажлыг хийж буй Дэюань “Нүдний цөцгий цэвэр тунгалаг байвал өвгөн буурал болтлоо хараа сайтай байж чадна. Энэ бол Хятадын эртний гоо сайхны ажиллагаа. Эрт дээр үед өнөөдөр миний ашиглаж байгаа цэвэрлэдэг хутга арай болхи байсан” хэмээн ярьжээ.