“Nuovo” оркестр анхны бие даасан тоглолтоо хийнэ

УДБЭТ-ын дэргэдэх залуу уран бүтээлчдээс бүрдсэн “Nuovo” оркестр сонгодог хөгжмийн дээжээс “амилуулах” “New classic” тоглолтоо нөгөөдөр буюу энэ сарын 7-нд 19:00 цагт үзэгчдэд хүргэхээр болжээ.

Дашрамд дуулгахад, УДБЭТ-ын мэргэжлийн залуу хөгжимчдөөс бүрдсэн “Nuovo” оркестр өнгөрсөн гуравдугаар сарын 14-нд байгуулагдсан. Тус хамтлаг цуврал тоглолт хийхээр төлөвлөсөн бөгөөд поп хѳгжмийн зохиолоос бүрдсэн хоёр дахь тоглолтоо ирэх арванхоёрдугаар сард, гурав дахь бие даасан тоглолтоо “Cinima music” буюу киноны хѳгжмѳѳр ирэх оны зургаадугаар сард үзэгчдэд хүргэх аж.