О.Алтан-Од дөрөвдүгээр байрыг эзэллээ

Тайландын нийслэл Бангкок хотод хүндийг өргөлтийн өсвөр үеийн ДАШТ үргэлжилж байна.

Тэмцээнд 98 орны 680 гаруй тамирчин өрсөлдөж байгаа бөгөөд манай улсаас дасгалжуулагч Ц.Хосбаярын удирдлага дор охидын 48 кг-ын жинд А.Өүлүн-Эх, 53 кг-д О.Алтан-Од, 63 кг-д Э.Энхтамир, Б.Батчимэг, 69 кг-д Б.Отгонжаргал, 75 кг-д О.Дархижав нар өрсөлдөж буй.

48-кг-д А.Өэлүн-Эх 34 орноос 21 дүгээр байранд орсон бол дараагийн өдөр 53 кг-д О.Алтан-Од дөрөвдүгээр байрыг эзэллээ.

Тус тэмцээнд манай баг тамирчид анх удаа оролцож байгаа бөгөөд 16 дугаар байрт шалгарвал ирэх жил болох залуучуудын гуравдугаар олимпийн наадамд өрсөлдөх эрх хүртэх юм.