О.Бурмаа хошой алтан медальтай боллоо

Болгар улсын Софи хотноо тус улсын алдарт бөхчүүд болох Дан Колов, Никола Петров нарын нэрэмжит 52 дэх удаагийн чөлөөт бөхийн олон улсын уламжлалт тэмцээн болж өнгөрлөө.

Тэмцээнд 34 орны бөхчүүд зодоглосон бөгөөд манай улсаас эмэгтэйчүүдийн 75 кг-ын жинд хүчээ сорьсон Гавьяат тамирчин О.Бурмаа шувтаргын барилдаанд Египетийн бөх Надя Ахмедийг ялж, тус тэмцээний хошой алтан медальт бөх болсон байна.