“Оддын дайн” киноны шинэ ангийн орлого нэг тэрбум ам.долларыг давлаа

“Disney” кино компанийн 2019 оны арванхоёрдугаар сарын 20-нд нээлтээ хийсэн “Оддын дайн” киноны шинэ анги буюу “Star wars: Rise Of Skywalker” бүтээлийн ашиг орлого нэг тэрбум ам.доллар давсан байна.

Сонирхуулахад, тус кино компанийн 2019 онд нээлтээ хийсэн “Avengers: Endgame - 2.8, “Lion king” 1.6, “Captain Marvel” 1.3, “Toy story-4” 1.07, “Aladdin” - 1.05, "Frozen-2" нэг тэрбум ам.долларын ашиг олсноор “Disney” кино компани өнгөрсөн жил нийт тасалбар захиалгын мөнгөн дүнгээрээ 10 гаруй тэрбум ам.долларын орлого олсон юм.