Ойн хөнөөлт шавжтай агаарын хөлгөөр тэмцэх ажил үргэлжилж байна

Сэлэнгэ аймгийн Түшиг сумын ойн санд ойн хөнөөлт шавжийн тархалтыг бууруулах зорилгоор 9,000 га талбайд биологийн бэлдмэл ашиглан агаарын хөлгөөр тэмцэх ажлыг 2026 оны 6 дугаар сарын 22-ны өдрөөс эхлэн гүйцэтгэж байна.

Тус ажлын явцад байгаль орчинд ээлтэй биологийн бэлдмэл ашиглаж байгаа бөгөөд орон нутгийн иргэдийн төлөөлөл хүрэлцэн ирж ажлын явц, хэрэгжилттэй танилцлаа. Хяналтыг Сэлэнгэ аймгийн Байгаль орчны газар, Сэлэнгэ бүсийн ойн анги, улсын байгаль орчны хяналтын байцаагч, байгаль хамгаалагчид хийж байгаа аж.