Ойрын өдрүүдэд болох уралдааны хуваарь гарлаа

Хурдны морь сонирхогч уншигч танд ойрын өдрүүдэд болох уралдааны товыг сонирхуулъя.

Энэ сарын 20-нд Дундговь аймгийн “Нарны хүлэг” МСУХ-оос жил бүр уламжлал болгон зохион байгуулдаг “Мандалын хурд” тус аймгийн төвийн бүсийн уралдаан болно. Мөн энэ өдөр Дорноговь аймгийн Өргөн суманд “Хутагтын хурд”, 21-нд Хэнтий аймгийн МСУХ-оос уламжлал болгон зохиодог “Сэцэнханы хурд”, 22-нд Говь-Алтай аймагт “Алтайн шигшмэл хурд”, Өмнөговь аймгийн Манлай суманд зүүн бүсийн уралдаан, 27-нд Сүхбаатар аймгийн төвд болон Наран суманд тус аймгийн хаврын бүсийн уралдаан болно. Эдгээр уралдаанд уяачид дээд гурван насны хүлгийнхээ шандсыг сорих юм.