ОХУ-ын волейболын эмэгтэй баг хоёр дахь ялалтаа авлаа

"Рио-2016" олимпийн наадмын дөрөв дэх өдөр волейболын эмэгтэй багийн тоглолт болж байна. Монголын цагаар 08:15-д эхэлсэн ОХУ, БНСУ-ын хооронд өрнөсөн тоглолт дөнгөж сая ОХУ-ын баг тамирчдын хожлоор өндөрлөв.

Урьдчилсан шатны А хэсгийн тоглолтын гурван үеийн байдлаар онооны харьцаа 3:1 болсноор манай хойд хөршийн эмэгтэй баг тэргүүлж чадлаа. Тоглолтын турш ОХУ-ын баг тамирчид илт давуу байлаа. Тэд тооны харьцааг 25:14 болгож чадсан юм. ОХУ-ын шигшээ багийн довтлогч Воронкова тоглолтын сүүлийн оноог багтаа авч ирсэн.

Тооны харьцаа хол зөрүүтэй байсан ч БНСУ-ын багийн тамирчид тэмцээний турш сэтгэл зүйн хувьд өөдрөг байсан гэж болно. ОХУ-ын багтай тоглох дараагийн учраа Камероны баг бол БНСУ-ын багийг Аргентиний шигшээ баг хүлээж байна.