"Олимпийг дэмжих сан"-гийн нээлт боллоо

Монгол Улсын Ерөнхий сайдын нэрэмжит, "Олимпийн хөгжлийг дэмжих сан"-гийн нээлтийн ажиллагаа өнөөдөр Спортын төв ордонд боллоо. Энэ хүрээнд олимпод оролцох баг тамирчдадаа дэмжлэг үзүүлэх, хандив цуглуулах зорилготой "Цомын аян"-г 21 аймаг, 9 дүүрэгт зохион байгуулж байна.

Өнөөдөр Булган, Дорнод аймаг, Баянзүрх дүүрэг, Монголын банкуудын холбоо, төрөлжсөн сургалттай Спортын дунд сургуулиуд цомыг хүлээж авсан.

Тус сан "Рио 2016” олимпийг шууд дамжуулан үзүүлэх МҮОНРТ-тэй хамтын ажиллагааны гэрээ байгуулсан. Арга хэмжээнд олимпийн аваргууд болон медальтнууд, Үндэсний шигшээ багийн тамирчид, Эрүүл мэнд, спортын яам, МҮОХ, Олимпийн академи, МҮОНРТ-ийн удирдлагууд оролцлоо.