Олимпийн аварга Э.Бадар-Ууганы төрсөн өдөр өнөөдөр тохиож байна

Төв аймгийн Баяндэлгэр сумын харьяат, Монгол Улсын хөдөлмөрийн баатар, гавьяат тамирчин, олимпийн алтан медальт Э.Бадар-Ууган 1985 оны зургадугаар сарын 3-нд буюу энэ өдөр Улаанбаатар хотод төржээ.

Нийслэлийн 97 дугаар дунд сургуулийг төгссөн тэрбээр өдгө МҮОХ-ны ерөнхий нарийн бичгийн даргаар ажиллаж байна.

Боксын спортоор 1998 оноос эхлэн хичээллэсэн. Боксын 54 кг-ын жинд тоглодог байсан. Тэрбээр өнөөдөр ээжийнхээ ажил дээр очиж хүндэтгэл үзүүлжээ.

Амжилтын товчоон

• 2008 онд Олимпод анх удаагаа оролцож Монголын түүхэнд анх удаа боксын төрлөөр Олимпийн алтан медаль авлаа.

• 2007 онд АНУ-ын Чикаго хотод болсон Дэлхийн аварга шалгаруулах тэмцээнээс мөнгөн медаль авсан.

• 2007 оны Ази тивийн аварга

• 2007 оны улсын аварга

• 2006 оны Оюутны дэлхийн аварга

• Доха-2006 Азийн наадмын хүрэл медальт

• Герман улсад болдог Химийн цом тэмцээний аварга

• Туркийн Ахмад Комертийн нэрэмжит тэмцээний аварга

• Чехийн Усти-над-Лабем хотод болдог олон улсын тэмцээний мөнгөн медальт.

• 2007, 2008 оны Монголын шилдэг тамирчин

• 2008 оны дэлхийн шилдэг эрэгтэй боксчноор шалгарсан.