Олимпын аварга Ш.Шарифов коронавирусний халдвар авчээ
"Ковид-19" халдвар Орост, тэр дундаа түүний төрсөн нутаг Дагестанд эрчтэй тархаж байгаа бөгөөд олимпын аваргын аав, ээж, эгч, эхнэр, ойр дотны гэр бүлийн хүмүүс бие биеэсээ дамжин коронавирусээр халдварлажээ.
Мэдээллийн алба
Азербайжаны чөлөөт бөхийн шигшээ багийн лидер, олимп, дэлхий, Европын аварга Шариф Шарифов коронавирусний халдвар авчээ.
Тэрбээр анхандаа ханиад туссан гэж бодож явсан ч удах тусам халуурч хүндэрч эхэлсэн гэнэ.
"Ковид-19" халдвар Орост, тэр дундаа түүний төрсөн нутаг Дагестанд эрчтэй тархаж байгаа бөгөөд олимпын аваргын аав, ээж, эгч, эхнэр, ойр дотны гэр бүлийн хүмүүс бие биеэсээ дамжин коронавирусээр халдварлажээ.
Түүний ээжийнх нь бие нэлээд хүнд, уушигны хатгалгаа оноштойгоор Махачкалагийн эмнэлэгт эрчимт эмчилгээний тасагт хэвтээд гарчээ.
Өдгөө 31 настай Шарифов өнгөрсөн жилийн Нур-Султаны ДАШТ-д мөнгөн медаль хүртэж, Токиогийн олимпын эрхээ аваад байгаа юм.
