Онгоцонд мэндэлсэн ихрүүдэд насан туршдаа үнэгүй зорчих эрх бэлэглэжээ

ОХУ-ын нисэх онгоцонд хоёр ихэр охин мэндэлжээ. Ихрүүд "Полар Эйрлайнс"-н Зарянкагаас Якутск руу нисэх явцад мэндэлсэн байна. Ихэр охидын ээжийг Ирина Василкова гэдэг бөгөөд 25 настай аж. Охид 35 долоо хоногтой байсан нь онгоцны багийнхан болон зорчигчдыг нэлээд сандаргасан байна. Онгоцонд зорчиж явсан Елена Слепткова хэмээх эмэгтэй ихрүүдийг эх барьж авчээ. Эхний охин нислэгийн үеэр төрсөн бол дараагийн охин онгоц газардах үеэр мэндэлсэн байна. Түүнчлэн "Полар Эйрлайнс"-с ээж, охидод насан туршдаа тус нисэх компанийн онгоцоор үнэгүй зорчих эрх бэлэглэжээ.