Орхон аймгийн баяр наадамд 128 бөх барилдана

Тулгар төрийн 2229, Их Монгол Улс байгуулагдсаны 814, Ардын хувьсгалын 99 жилийн ой, Орхон аймгийн баяр наадамд барилдах 128 бөх аймгийн Биеийн тамир, спортын газар, Үндэсний бөхийн комисст бүртгүүлж дуусчээ.

Тус наадамд Улсын харцага 1, аймгийн арслан 13, аймгийн заан 3, аймгийн харцага 4, аймгийн начин 22, сумын заан 44, сумын харцага 3, сумын начин 7, залуу бөх 31 оролцож, уран мэх, шандас хүчээ сорин барилдана гэж Орхон аймгийн мэдээллийн төвөөс мэдээллээ.