Отрын бүс нутагт хаяг байршуулна

Отрын бүс нутгуудад бэлчээрийн хаяг шинээр байршуулна гэж албаныхан мэдээллээ. Энэ ажил ирэх долоо хоногоос эхлэх юм байна. Ингэснээр малчид отрын бүс нутагт дур мэдэн нутаглахгүй байх, бэлчээр хоорондын маргааныг зогсоох, отрын бүсэд өвөлжсөн малчид хавар хугацаандаа гарах зэрэг ач холбогдолтой гэж Аймаг дундын отрын бэлчээр ашиглалтын захиргааны дарга н.Баярсайхан онцлолоо.

Монгол Улсад өнөөдрийн байдлаар аймаг дундын найман отрын бүс нутаг байгаа юм. Тодруулбал, Завхан, Говь-Алтай, Булган, Төв, Хэнтий, Говьсүмбэр, Дорнод аймаг дахь отрын бүс нутагт 100 гаруй хаяг байршуулах юм байна.