П.Бүрэнтөгс энэ намрын анхны барилдаанд түрүүллээ

Төр, нийгмийн нэрт зүтгэлтэн, маршал Ю.Цэдэнбал агсны мэндэлсний 100 жил, Хилчдийн баярт зориулсан улс, аймгийн алдар цолтой хүчит 208 бөх өнгөрсөн амралтын өдөр Монгол бөхийн өргөөнд хүч үзлээ.

Түрүү бөхөөр Монгол Улсын арслан П.Бүрэнтөгс шалгарч, улсын аварга С.Мөнхбат үзүүрлэв. Их шөвөгт улсын арслан Н.Батсуурь, улсын харцага Б.Бат-Өлзий, дунд шөвөгт улсын харцага Ө.Бат-Орших, Х.Гантулга, улсын начин Ч.Хөхчирэнгэр нар шалгарлаа.