Пара жүдочдын эмэгтэй баг алт, эрэгтэй баг хүрэл медаль хүртлээ

БНСУ-ын Инчён хотод болж буй Азийн пара наадамд оролцсон манай жүдочид багийн тэмцээнд амжилттай оролцлоо. Эмэгтэй баг түрүүлж аваргын алтан медалийг зүүсэн бол, эрэгтэй баг хүрэл медаль хүртлээ.

Эрэгтэй жүдочид Иранд 2:3 онооны харьцаагаар хожигдсон ч Тайландын багийг 5:0-оор буулган авч, хүрэл медаль хүртсэн. Эмэгтэй баг Тайландыг 2:1, БНХАУ-ын жудочдыг 3:0 онооны харьцаагаар хожиж, алтан медалийн төлөө Энэтхэгийн багийг 3:0-оор ялж, Азийн пара наадмын алтан медалийг хүртээд байна.