Пеллегрини улирал дуустал тайван байж болно

Английн аварга “Манчестер Сити” клубын дасгалжуулагч Мануэль Пеллегрини энэ улирлыг дуустал ажлаасаа халагдахгүй боллоо. “Сити”-гийн удирдлагууд премьер лигийн энэ улирал дууссаны дараа Чили мэргэжилтний ирээдүйг шийднэ хэмээн "The Guardian"-нд мэдээлсэн байна. Гэвч “Манчестер Сити” премьер лигийн 31 дүгээр тойрогт “Кристал Палас”-ын талбайд зочилж, 2:1-ээр хожигдсоноор Пеллегринийг халах, солих асуудал дахин гарч ирлээ. Ингэснээр "Сити" дөрөвдүгээр байр руу ухарч, тэргүүлэгч “Челси”-гээс даруй есөн оноогоор хоцорч байна.