Рио 2016: Өнөөдөр Монголын таван тамирчин тэмцээнтэй

Зуны олимпийн дөрөв дэх өдөр буюу өнөөдөр манай улсын таван тамирчин тэмцээнтэй. Тодруулбал, жүдо бөхийн эрэгтэйчүүдийн 90 кг-ын жинд өрсөлдөх Л.Отгонбаатар, жүдо бөхийн эмэгтэйчүүдийн 70 кг-ийн жинд өрсөлдөх Ц.Наранжаргал нар монголын цагаар 22:00 цагаас барилдах юм. Л.Отгонбаатарын эхний учраа Нидерландын бөх бол Ц.Наранжаргалын учраа Гүржийн бөх Стам Эстер юм.

Харин боксын 64 кг-ын жинд өрсөлдөх Б.Чинзориг монголын цагаар 00.05 минутаас тулаанаа эхлүүлэх бөгөөд тэрбээр Катарын боксчин Туласи Тарумалингамтай тулалдах бол 56 кг жинд өрсөлдөх Э.Цэндбаатар Кенийн боксчин Гичару Бенсон Нжангирутай тулалдана.

Та бүхэн жүдогийн тамирчдын барилдааныг МҮОНТ-ийн 1 дүгээр сувгаар, Боксын тамирчдын тоглолт, Хүндийн өргөлтийн тэмцээнийг “Монголын мэдээ HD” сувгаар тус тус хүлээн авч үзэх боломжтой.

Түүнчлэн манай улс энэ жилийн Зуны олимп хоёр хүндийн өргөлтийн тамирчин илгээсэн бөгөөд тэдний нэг болох М.Анхцэцэг өнөөдөр монголын цагаар 03.30 цагт Хүндийн өргөлтийн 69 кг-ын жинд хүч үзэх юм.

Та бүхэн жүдогийн тамирчдын барилдааныг МҮОНТ-ийн 1 дүгээр сувгаар, Боксын тамирчдын тоглолт, Хүндийн өргөлтийн тэмцээнийг “Монголын мэдээ HD” сувгаар тус тус хүлээн авч үзэх боломжтой.

Мөн Үндэсний олон нийтийн MNB.mn цахим хуудаснаас цаг тухай бүрт шууд, шуурхай хүлээн авч үзэхээс гадна ухрааж, нөхөж үзэх боломжтой юм.