“Рио”-г зорих тамирчдын хувцас

Монголын биеийн тамир, спортын салбарын үе үеийн ажилтан, албан хаагч, удирдлага, тамирчин, багш, дасгалжуулагч, ахмадууд, спортын зүтгэлтэн, хөгжөөн дэмжигч, спорт сонирхогчид өчигдөр Чингисийн талбайд цуглаж, “Тамирчдын өдөр”-өө тэмдэглэсэн.

Хүн төрөлхтний эв нэгдлийн бэлгэдэл олимпийн наадмаас медаль хүртэж, тив, дэлхийн аварга шалгаруулах тэмцээнд эх орныхоо нэрийг мандуулан дуурсгасаар байгаа тамирчдадаа “Рио-2016” олимпид амжилттай оролцохыг хүсч дээрх өдрийг зохион байгуулсан. Энэ үеэр тун удахгүй болох олимпийн наадамд оролцох тамирчдын хувцсыг олон нийтэд танилцуулсан юм.

2016 оны эхний хагас жилд дэлхий, тив, олон улсын тэмцээнээс олон арван медаль хүртсэн. Түүний дотор “Рио-2016” олимпийн наадамд бэлтгэгдэж буй Монголын үндэсний шигшээ багийн тамирчид алт 33, мөнгө 33, хүрэл медаль 60-г хүртсэн байна.