Ривалдогийн хүү Бухарестэд ирлээ

Бразилын шигшээ багийн домогт хөлбөмбөгчин Ривалдогийн 21 настай хүү Ривалдиньо Румыны “Динамо Бухарест” клубын тоглогч болжээ. Түүнийг Бразилын “Интернасьонал”-аас чөлөөт агентийн хувиар үнэгүй авсан гэнэ. Ривалдиньо шинэ багтайгаа гурван жил хагасын гэрээ үзэглэсэн бөгөөд 9 дугаарыг нь эзэмшин тоглохоор болжээ. 21 настай энэ залуу анх 2014 оноос мэргэжлийн тамирчны гараагаа эхлүүлж байсан билээ.