"Ролан Гаррос"-д С.Вавринка, С.Уильяамс нар түрүүлэв
Харин Н.Новак Жоковичийн өнгөрсөн хоёрдугаар сараас эхлүүлсэн ялалтын цуврал энэ хүрээд зогслоо. Тэрбээр Дубайд болсон тэмцээний шигшээ тоглолтод хожигдсоноосоо хойш 28 дараалан ялалт байгуулаад байсан юм.
Мэдээллийн алба
Талбайн теннисний “Их дуулга” цувралын дөрвөн тэмцээний нэг, Францын нээлттэй тэмцээн өчигдөр өндөрлөлөө. Өчигдөр орой болсон эрэгтэй ганцаарчилсан төрлийн аваргын төлөө дэлхийн тэргүүн теннисчин Сербийн Новак Жокович, Швейцарийн Станислас Вавринка нар өрсөлдөж, швейцарь залуу ялалт байгуулснаар “Их дуулга”-ын хоёр дахь цомоо өргөсөн юм. Ингэснээр тэрбээр чансаагаа өсгөж, дөрөвдүгээр байрт эрэмбэлэгдэх учиртай.
Харин Н.Новак Жоковичийн өнгөрсөн хоёрдугаар сараас эхлүүлсэн ялалтын цуврал энэ хүрээд зогслоо. Тэрбээр Дубайд болсон тэмцээний шигшээ тоглолтод хожигдсоноосоо хойш 28 дараалан ялалт байгуулаад байсан юм.
Эмэгтэй ганцаарчилсан төрөлд өнөө цагийн босоо аварга С.Уильяамс Чехийн Л.Сафарова финалд үлдэж ялалт байгуулснаар "Их дуулга"-ын 20 дахь цомоо өргөөд байна.
Нийт 28 028 600 еврогийн шагналын сантай нээлттэй тэмцээн Парис хотноо тавдугаар сарын 19-нөөс зургаадугаар сарын 7-ны хооронд зохион байгуулагдсан юм.
