“Ромео, Жульетта” сурагчдыг урьж байна

“Ромео, Жульетта” жүжиг сурагчдын амралтын хуваарьт шилжлээ. Энэхүү жүжиг нь УДЭТ-т өнгөрсөн оны арваннэгдүгээр сард нээлтээ хийсэн ч одоо болтол танхимын суудал бараг хоосон үлдсэнгүй.

1966 онд Улсын хүүхэд залуучуудын театрын тайзнаа С.Гэндэнгийн найруулгаар анх удаа тавигдаж байсан бол 1996 онд урлагийн гавьяат зүтгэлтэн Ч.Найдандорж УДЭТ-т дахин сэргээсэн юм. Тэгвэл энэ удаа УДЭТ-ын Ерөнхий найруулагч, Төрийн соёрхолт Н.Наранбаатар залуу уран бүтээлчдийг сонгон ажилласан нь мөн л шинэ шийдэл болов. Өдгөө ЕБС-ийн сурагчид амарч байгаа болохоор тэдний чөлөөт цагийг зөв боловсон өнгөрүүлэхийн тулд цагийн хуваариа ийнхүү өөрчилсөн байна. Тодруулбал, өнөөдөр, маргааш 15:00, энэ сарын 29-нд 18:00, 30, 31-нд 17:00 цагаас тоглохоор болжээ. Гэхдээ зөвхөн ахлах ангийнханд нээлттэй гэсэн шүү.