С.Эрхэмбаярын нэрэмжит "Хантайшир" дэвжээний барилдаан боллоо

Өчигдөр Говь-Алтай аймгийн Тонхил сумын харьяат, Жүдо, Самбо бөхийн ОУХМ, Хөдөлмөрийн гавьяаны улаан тугийн одонт, Монгол Улсын Соёлын гавьяат зүтгэлтэн, Улсын начин Содномын Эрхэмбаярын нэрэмжит "Хантайшир" дэвжээний уламжлалт улс, аймаг, сумын цолтой хүчит бөхийн барилдаан боллоо.

Энэ барилдаанд Говь-Алтай аймгийн Чандмань сумын харьяат, Улсын гарьд Н.Ганбаатар түрүүлж, Говь-Алтай аймгийн Жаргалан сумын харьяат, улсын шинэ начин Ш.Шинэбаяр үзүүрлэжээ. Харин их шөвөгт Эрдэнэ сумын харьяат, Улсын заан Б.Соронзонболд, Бигэр сумын харьяат, аймгийн арслан Ж.Алтаншагай нар үлдсэн байна.