Сагсан бөмбөгчид бэлтгэлийн төвтэй болно

Монголын үндэсний сагсан бөмбөгийн холбоо тамирчдын бэлтгэлийн төвтэй болохоор ажиллаж байна. Хандгайтад сүндэрлэж буй энэхүү барилгын ажил 60 хувьтай явагдаж байгаа аж.

Сагсан бөмбөгийн бэлтгэлийн бааз нь зургаан давхар ба иж бүрэн фитнесс заал, саун, душ бүхий тамирчдын тохилог буудал, стандарт хэмжээ бүхий спорт заалнаас бүрджээ.

Монгол Улсын шигшээ баг, өсвөр үе, залуучуудын шигшээ баг, "Супер лиг"-ийн багууд, "Спрайт лиг"-ийн багууд гээд бүх тамирчдад үндсэн бэлтгэлээ базаах бүхий л нөөц бололцоог бүрдүүлж байгаад сагсан бөмбөгчид баяртай байна.