Самбо бөхийн “Дэлхийн цом”-ын тэмцээн Монголд болно
Сонирхуулахад тус тэмцээн дэлхийн хэмжээнд анх удаагаа холимог багийн төрлөөр зохиогдох гэж байна. Харин шагналын сан 80 мянган ам.доллар байх юм.
Мэдээллийн алба
Монгол Улсын нийслэл Улаанбаатар хотод ирэх долдугаар сарын 14-нд самбо бөхийн холимог багийн /эрэгтэй, эмэгтэй, байлдааны самбо/ “Дэлхийн цом”-ын тэмцээн болно.
Уг тэмцээн нь олон улсын самбо бөхийн холбоо /FIAS/-ны календарьт албан ёсоор бичигдсэний дагуу ийнхүү зохион байгуулагдах гэж байгаа билээ.
Сонирхуулахад тус тэмцээн дэлхийн хэмжээнд анх удаагаа холимог багийн төрлөөр зохиогдох гэж байна. Харин шагналын сан 80 мянган ам.доллар гэнэ.
Дашрамд сонирхуулахад Монгол Улс 1989 онд самбо бөхийн “Дэлхийн цом”-ын тэмцээнийг амжилттай зохион байгуулж багаараа II байрт шалгарч байсан түүхтэй билээ.
