Сар шинийн барилдаан маргааш 12:00 цагаас эхэлнэ

Уламжлал болгон зохион байгуулдаг сар шинийн хүчит 256 бөхийн барилдаан битүүний өдөр буюу маргааш Монгол бөхийн өргөөнд болно. Тус барилдаан жил бүрийн 14:00 цагаас эхэлдэг байсан бол энэ жил 12:00 цагаас эхлэхээр болжээ. Учир нь үзэгч, бөхчүүд оройтож харьж, битүүлдэг тул ийнхүү шийдвэр гаргасан байна.

Сар шинийн барилдааны МҮОНРТ-ийн Монголын радио, Үндэсний телевиз, "Монголын мэдээ" телевиз шууд дамжуулна. Мөн Үндэсний олон нийтийн цахим хуудас MNB.mn онлайнаар шууд дамжуулах юм.