“Саран хөхөө” театрын музейг дэлгэлээ

Олон улсын театрын өдрийг манай улс 1962 оноос тэмдэглэж байна. Дорноговь аймаг л гэхэд энэхүү өдрийг “Саран хөхөө” театрын жүжигчдийн баярын жагсаалаар эхлүүлж тус театрын урлагийн музей, аймгийн номын сангаас номын үзэсгэлэн гаргаж өргөн дэлгэр тэмдэглэн өнгөрүүлж буй аж.
Соён гэгээрүүлэгч Данзанравжаагийн нэрэмжит "Саран хөхөө" театр нь 2013 оны драмын урлагийн шилдгүүдийг тодруулах “Гэгээн Муза” наадмаас дөрвөн шагнал хүртсэн чадварлаг хамт олон билээ.