Ш.Урьханы “APRIL-24” хос цомгийн баяр болно

МЗЭ-ийн гишүүн, яруу найрагч Шагдаржавын Урьханы “APRIL-24” хос цомгийн баяр, уран бүтээлийн үдэшлэг энэ сарын 25-нд болно.

Улсын Филармонийн концертын их танхимд болох дээрх үдэшлэгийн ерөнхий зохион байгуулагчаар Архангай аймгийн уран бүтээлчдийн “Тайхар” нэгдэл, ерөнхий найруулагчаар “Voice” группийн дуучин С.Баттулга, тайзны найруулагчаар ҮДБЭЧ-ын хөгжимчин Д.Түвшин, менежерээр Д.Цэрэнпагма нар ажиллаж байна.

Урилгаар “Болор цом”-ын хошой эзэн, яруу найрагч Б.Ичинхорлоо, “Болор цом”-ын эзэн Ш.Лхамноржмаа, Н.Гантулга, “Хурд” хамтлаг, “Харанга” хамтлагийн дуучин, Монгол Улсын Урлагийн гавьяат зүтгэлтэн Ц.Чулуунбат нар шүлгээ уншиж, ая дуугаа өргөнө.