“Шарга даага” кино өнөөдрөөс үзэгчдэд хүрнэ

Пусаны олон улсын 18 дугаар кино наадмын “Азийн кино урлаг” хэсэгт сонгогдсон “Шарга даага” кино өнөөдрөөс эхлэн үзэгчдийн хүртээл болно.

“Улаанбаатар” олон улсын кино наадмыг нээсэн энэ киноны найруулагчаар Ч.Хоролдорж ажилласан байна.

Түүний анхны бүрэн хэмжээний уран сайхны кино нь “Шарга даага” бөгөөд япон зураглаачтай хамтран бүтээсэн.

Олон улсын хэмжээнд үнэлэгдээд буй энэ бүтээлд нутаг руугаа гүйсэн шарга даага болон төрсөн гэртээ идээшиж чадахгүй байгаа хүүгийн тухай өгүүлнэ.