Шарын гол цомын эзэн болов
Тэмцээн өнгөрсөн тавдугаар сарын 14-өөс өчигдөр хүртэл өрсөлдсөн бөгөөд Ерөнхий боловсролын сургуулиудын 16 баг оролцож авхаалж самбаагаа сорьсон юм.
Мэдээллийн алба
УИХ-ын гишүүн, Монголын сагсан бөмбөгийн холбооны ерөнхийлөгч Б.Жавхлангийн санаачлагаар Дархан-Уул аймагт анх удаа ЕБС-ийн ахлах ангийн сурагчид дунд “Бүх Дархан-2017” тэмцээнийг Дархан-Уул аймгийн сагсан бөмбөгийн холбоо “Chicago shop”-той хамтран зохион байгууллаа.
Тэмцээн өнгөрсөн тавдугаар сарын 14-өөс өчигдөр хүртэл өрсөлдсөн бөгөөд Ерөнхий боловсролын сургуулиудын 16 баг оролцож авхаалж самбаагаа сорьсон юм.
Аваргын төлөө Шарын гол, Оюуны ирээдүй цогцолбор сургуулийн багууд өрсөлдөж, 86:78 харьцаатайгаар Шарын голын баг, тамирчид цомын эзэн боллоо.
Шилдэг тоглогчоор цомын эзэн багийн тамирчин Э.Нямбаяр шалгарав.
Ийнхүү аваргын цомын эзэн баг нэг сая төгрөг, тэмцээний ивээн тэтгэгч “Chicago shop”-оос цүнх, пүүз бүх гишүүнд олгохоор болов.
