Шигшээ баг Малайзад болох АШТ-д оролцоно
Шигшээ багийнхан МҮОХ-нд байрлан бэлтгэл хийхийн зэрэгцээ өнөө орой дээд лигийн аварга “Эрчим” клубтэй нөхөрсөг тоглолт хийнэ.
Мэдээллийн алба
Монголын залуучуудын шигшээ баг ирэх сард Малайз Улсад зохиогдох Азийн 23 хүртэлх насны АШТ-д оролцох бэлтгэлээ базаасаар байна.
Ханс Майклаар удирдуулсан дээрх багт одоогоор “Хүрхрээ үндэсний дээд лиг”, “Хүрхрээ нэгдүгээр лиг” болон МХБХ-ны хамгийн томоохон тэмцээнд оролцдог чадварлаг 30 тоглогч дуудагдаад байгаа юм.
Шигшээ багийнхан МҮОХ-нд байрлан бэлтгэл хийхийн зэрэгцээ өнөө орой дээд лигийн аварга “Эрчим” клубтэй нөхөрсөг тоглолт хийнэ.
Өнгөрсөн Азийн 23 хүртэлх насны АШТ-ий сугалаа явагдхад манай улс “H” хэсэгт Тайланд, Индонези болон зохион байгуулагч Малайз улсын багтай багтсан юм.
Тэмцээн долдугаар сарын 19-23-нд зохиогдох хэдий ч манай шигшээ баг халуун орны цаг уурт дасах үүднээс ирэх сарын таванд эх орноосоо мордоно.
Үүнтэй холбоотойгоор “Хүрхрээ үндэсний дээд лиг”-ийн хуваарьт өөрчлөлт оржээ.
