Шийдвэрлэх тулаан маргааш эхэлнэ
Манай улсын тамирчдаас 49 кг-д Г.Ган-Эрдэнэ, 54 кг-д Б.Чинзориг, 60 кг-д Д.Отгондалай, 69 кг-д Б.Түвшинбат, 75 кг-д Н.Шинэбаяр нар одоогоор хүрэл медалийн болзол хангаад байна.
Мэдээллийн алба
БНХАУ-ын Чянь Ань хотноо “Рио-2016” олимпийн наадмын эрх олгох Ази, Номхон далайн орнуудын боксын тэмцээн энэ сарын 25-ны өдөр эхэлсэн билээ. Манай улсын тамирчдаас 49 кг-д Г.Ган-Эрдэнэ, 54 кг-д Б.Чинзориг, 60 кг-д Д.Отгондалай, 69 кг-д Б.Түвшинбат, 75 кг-д Н.Шинэбаяр нар одоогоор хүрэл медалийн болзол хангаад байгаа бөгөөд маргааш финалд үлдэх эрхийн төлөөх шийдвэрлэх тулаанаа хийнэ. Г.Ган-Эрдэнийн хувьд Узбекистаны Х.Дусматовтой, Б.Чинзориг Киргизистаны Е.Сакеновтой, Н.Шинэбаяр Kазахстаны З.Алимханулитай, Д.Отгондалай Японы Д.Наримацүтай, Б.Түвшинбат Тайландын С.Ардеетэй тулалдана.
Эрэгтэйчүүдээс финалд үлдсэн нь олимпийн эрх шууд авах бол хүрэл медаль дээр буусан тамирчид “Рио-2016”-г зорих эрхийн төлөө өрсөлдөнө.
