Шийдвэрлэх тулаан өнөөдөр болно

БНХАУ-ын Чянь Ань хотноо “Рио-2016” олимпийн наадмын эрх олгох Ази, Номхон далайн орнуудын боксын тэмцээн үргэлжилж буй. Өнөөдөр мөнгөн медалийн төлөөх тулаан болно.

Тодруулбал, 49 кг-д Г.Ган-Эрдэнэ, 54 кг-д Б.Чинзориг, 60 кг-д Д.Отгондалай, 69 кг-д Б.Түвшинбат, 75 кг-д Н.Шинэбаяр нар олимпийн эрхийн төлөөх гол тулаанаа хийнэ.

Тэмцээний хуваарийг хүргэе.

Өнөөдөр 15:00 цагаас Г.Ган-Эрдэнэ- Узбекистаны тамирчин Х.Дусматовтой, Б.Чинзориг-Киргизистаны Е.Сакеновтой, Н.Шинэбаяр- Kазахстаны З.Алимханулитай.

19:00 цагт Д.Отгондалай-Японы боксчин Д.Наримацүтай, Б.Түвшинбат-Тайландын С.Ардеетэй тус тус өрсөлдөнө.

Эрэгтэйчүүдээс финалд үлдсэн нь олимпийн эрхээ шууд авах бол хүрэл медаль хүртсэн тамирчид олимпийн эрхийн төлөө дахин тулалдана.