Шилдэг эрэгтэй жүжигчнээр С.Болд-Эрдэнэ тодорч, “Арслан” цомын эзэн болжээ
Мөн тус театрын хамт олон нэрт найруулагч, жүжигчин Г.Доржсамбуу найруулагчаа дурсан бүтээсэн жүжгүүдээс нь сэргээн тавьж, үзэгч олондоо өргөн барьжээ.
Мэдээллийн алба
Монголын тайз, дэлгэцийн урлагийн гарамгай зүтгэлтэн, нэрт найруулагч, жүжигчин Г.Доржсамбуу агсны мэндэлсний 70 жилийн ой энэ жил тохиож буй. Нэрт найруулагч, жүжигчин агсны нэрэмжит “Арслан” цомын эздийг саяхан тодруулсан байна.
Уламжлалт ёслолын ажиллагааны үеэр “Арслан” цомын “Шилдэг эрэгтэй жүжигчин”-ээр УДЭТ-ын жүжигчин С.Болд-Эрдэнэ тодорсон бол “Шилдэг эмэгтэй жүжигчин” цомыг Монгол Улсын гавьяат жүжигчин Ж.Оюундарь хүртсэн байна.
Мөн “Шилдэг найруулагч”-аар Дорноговь аймгийн “Саран хөхөө театрын ерөнхий найруулагч, ”Урлагийн гавьяат жүжигчин Н.Пүрэвдорж, “Шилдэг зохиолч”-оор Соёлын гавьяат зүтгэлтэн, яруу найрагч Ш.Гүрбазар, “Шилдэг зураач”-аар С.Ариунболд, “Шилдэг зүтгэлтэн”-ээр Монгол Улсын гавьяат жүжигчин Б.Тунгалаг, “Шилдэг сурган хүмүүжүүлэгч”-ээр “Сити” дээд сургуулийн захирал Ц.Байгалмаа, Хүндэт цомын эзэн ОХУ-ын ардын жүжигчин Лариса Егорова, Х.Эрдэнэцэцэг, Н.Туяа нар тодорсон байна.
Мөн тус театрын хамт олон нэрт найруулагч, жүжигчин Г.Доржсамбуу найруулагчаа дурсан бүтээсэн жүжгүүдээс нь сэргээн тавьж, үзэгч олондоо өргөн барьжээ.
