“Шинэ жилийн адал явдал” инээдмийн кино удахгүй нээлтээ хийнэ

Удахгүй болох шинэ жилийн баярыг угтаж нэгэн инээдмийн кино нээлтээ хийх гэж байна. “Шинэ жилийн адал явдал” гэсэн нэртэй уг киноны ерөнхий найруулагчаар Г.Бадамрагчаа, ерөнхий зураачаар Д.Батбилэг, дууны найруулагчаар О.Цэгмэд нар ажиллажээ. Киноны гол дүрүүдэд дуучин П.Баярцэнгэл, Ц.Одонтунгалаг болон “Мөрөөдлийн театр”-ын Г.Эрхэмбаяр, Д.Батаа, Ч.Алтаншагай нар тоглосон бол туслах дүрүүдэд “Extacy” хамтлагийн охид тоглосон байна. Уран бүтээлчид киногоо энэ сарын 12-нд нээхээр төлөвлөж байгаа гэнэ.