Шинэ цолтнуудын цолны найр болж байна

2015 оны улсын их баяр наадмаар шинээр начин цол хүртсэн бөхчүүд намрын энэ өдрүүдэд цолны мялаалга наадмаа ээлж дараалан хийцгээж байна. Өчигдөр Говь-Алтай аймгийн Жаргалан сумын уугуул, улсын начин Шоовдойхүүгийн бага хүү улсын начин Ш.Шинэбаяр цолны найр боллоо.

Хамгийн эхэнд буюу есдүгээр сарын 24-нд Дундговь аймгийн Эрдэнэдалай сумын харьяат, Алдар спорт хорооны бөх Монгол Улсын залуу начин Э.Дашийн цолны найр "Чингис зочид" буудлын ресторанд болсон.

Тэгвэл дараа нь есдүгээр сарын 27-нд Увс аймгийн Түргэн сумын харьяат, Шонхор олимп дээд сургуулийн бөх, Монгол Улсын начин Д.Энхбаярын цолны найр болсон юм. Аравдугаар сарын 3-нд Завхан аймгийн Цагаанхайрхан сумын харьяат, улсын шинэ начин Г.Баасандорж цол хүртсэн баяраа гэр бүл, ах дүү, хамаатан садан, найз нөхөд, нутаг усны олонтойгоо хуваалцсан юм.